Wojciech Szczesny markvörður pólska landsliðsins átti flottann leik gegn Argentínu þrátt fyrir að hafa fengið á sig tvö mörk í síðari hálfleik.
Hann hefði getað fengið á sig mark í þeim fyrri en varði vítaspyrnu frá Messi með glæsibrag.
„Ég hef verið heppinn tvisvar í þessari keppni, þetta er frábært augnablik á ferlinum hjá leikmanni, HM er það stærsta, alveg einstakt," sagði Szczesny eftir leikinn.
Hann var spurður út í vítaspyrnuna.
„Það fer smá vinna í þetta en þú þarft smá heppni til að verja víti frá Messi," sagði Szczesny.
Szczesny varði einnig vítaspyrnu Salem Al Dawsari leikmanni Sádí Arabíu sem gulltryggði Póllandi miðann í 16 liða úrslitin í kvöld með marki í uppbótartíma gegn Mexíkó.
Athugasemdir
