Noah Gesser, leikmaður Ajax í Hollandi, lést í bílslysi í gær en félagið sendi fra sér tilkynningu í dag.
Gesser var 16 ára gamall og gekk til liðs við Ajax fyrir þremur árum en hann skoraði 13 mörk fyrir U16 ára lið félagsins á síðustu leiktíð.
Ajax staðfesti í tilkynningu á heimasíðu félagsins að Gesser væri látinn eftir að hafa lent í bílslysi í Utrecht.
Tveir dóu í bílslysinu en 18 ára bróðir Gesser lést einnig eftir að hafa klesst á leigubíl. Ökumaður leigubílsins slapp ómeiddur frá slysinu.
Aðalliðið og unglinga- og varaliðið spila með sorgarbönd í dag til að heiðra minningu hans.
Athugasemdir