Heimild: Fabrizio Romano
Fabrizio Romano.
Amad Diallo.
Annað kvöld klukkan 22:00 mun félagaskiptaglugganum vera lokað. Já, Gluggadagurinn er á morgun, fimmtudag. Þá eru jólin hjá íþróttafréttamanninum Fabrizio Romano en enginn er með puttann eins vel á púlsinum og hann þegar kemur að kaupum og sölum í boltanum.
Skoðum hvað hann er að skrifa um, á deginum fyrir sjálfan Gluggadaginn:
Skoðum hvað hann er að skrifa um, á deginum fyrir sjálfan Gluggadaginn:
- Barcelona gæti lánað bandaríska bakvörðinn Sergino Dest (21) til Villarreal. Leikmaðurinn er með málið í sínum höndum. Dest er einnig orðaður við Manchester United en þá þarf Wan-Bissaka að yfirgefa enska félagið.
- Chelsea er komið vel í veg í viðræðum um kaup á króatíska varnarmanninum Josko Gvardiol (20) frá RB Leipzig. Enska félagið hyggst lána hann aftur til Leipzig út þetta tímabil.
- Miðjumaðurinn Idrissa Gueye (32) er í læknisskoðun en hann er að ganga í raðir Everton að nýju, frá PSG.
- Sunderland er komið langt í viðræðum við Manchester United um að fá vængmanninn Amad Diallo (20) lánaðan út tímabilið. Sunderland er einnig að fá franska miðjumanninn Edouard Michut (19) frá PSG.
- Willy Boly (31) verður nítjándi leikmaðurinn sem Nottingham Forest kaupir í sumar. Hann er á leið í læknisskoðun.
- Everton er að vinna baráttuna um kaup á miðjumanninum James Garner (21) frá Manchester United.
- Leicester er í viðræðum við Atalanta um Jeremie Boga (25) sem getur spilað á miðju og á vængnum.
- Ethan Ampadu (21) er á leið til Ítalíu en Chelsea lánar hann til Spezia út tímabilið.
- Ítalski sóknarmaðurinn Mario Balotelli (32) hefur ákveðið að fara til FC Sion í Sviss frá Adana Demirspor.
- Frágengið er að franski bakvörðurinn Laywin Kurzawa (29) fari til Fulham frá PSG.
- Olympiacos í Grikklandi er að kaupa Spánverjann Pep Biel (25) frá FC Kaupmannahöfn.
Tweet #FabrizioRomano
Athugasemdir
