,,Það hefur verið góður stígandi hjá okkur undanfarið eftir brösuga byrjun. Það eru 3-4 lið sem eru í baráttunni um að fara upp og við erum eitt af þeim. Það verður spennandi að sjá hvernig þetta fer allt saman," sagði Halldór en Grótta er með 32 stig á toppi deildarinnar, stigi á undan nýliðum Fjarðabyggðar sem eru í 2. sæti.

,,Þetta er búið að fara frekar jafnt. Öll lið hafa verið að missa stig hingað og þangað. Þetta hefur verið óvenju jöfn deild í ár."

Fæ að stýra álaginu

Grótta fer í Neðra-Breiðholtið á morgun og mætir ÍR í toppslag 2. deildarinnar. ÍR-ingar hafa verið að gefa eftir undanfarið og einungis innbyrt þrjú stig í síðustu þremur leikjum og eru nú fimm stigum frá sæti í 1. deildinni.

,,Þetta verður hörkuleikur. Það er til mikils að vinna fyrir bæði lið. Ef við náum að vinna þennan leik þá erum við komnir í ansi góða stöðu."

Halldór sem varð 37 ára í júní segir að skrokkurinn sé í ágætu standi. ,,Ég hef verið í litlu álagi inn á milli og ég fæ að stýra álaginu inn á milli. Þetta hefur gengið vonum framar," sagði Halldór sem segist ekki vera búinn að ákveða það hvort þetta verði hans síðasta tímabil í boltanum.

,,Það á aldrei að segja aldrei. Ef maður helst meiðslalaus áfram þá veit maður aldrei. Ég á að minnsta kosti nóg eftir á tanknum," sagði Halldór Hilmis. að lokum í samtali við Fótbolta.net.

Sjá einnig:
Leikmaður 13. umferðar: Bjarki Þór Jónasson (Völsungur)
Leikmaður 12. umferðar: Viggó Kristjánsson (Grótta)
Leikmaður 10. umferðar: Jón Gísli Ström (ÍR)
Leikmaður 9. umferðar: Björn Axel Guðjónsson (Njarðvík)
Leikmaður 8. umferðar: Brynjar Jónasson (Fjarðabyggð)
Leikmaður 7. umferðar: Andri Þór Magnússon (Fjarðabyggð)
Leikmaður 6. umferðar: Atli Haraldsson (Sindri)
Leikmaður 5. umferðar: Hrafn Jónsson (Grótta)
Leikmaður 4. umferðar: Milos Ivankovic (Huginn)
Leikmaður 3. umferðar: Arnar Sigurðsson (Grótta)
Leikmaður 2. umferðar: Viktor Smári Segatta (ÍR)
Leikmaður 1. umferðar: Alexander Aron Davorsson (Afturelding)