Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögn og texta skilaði 25087 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
Guy Smit er genginn til liðs við Njarðvíkur en hann kemur frá Vestra þar sem hann varð bikarmeistari með liðinu á síðasta tímabili. Hann skrifar undir samning sem gildir út árið 2027. Smit er þrítugur Hollendingur en hann kom fyrst hingað til lands árið 2020 til að spila með Leikni. Hann hjálpaði liðinu að komast upp úr Lengjudeildinni.
Chelsea hefur kalla Kendry Paez til baka úr láni frá franska liðinu Strasbourg og lánað hann strax aftur til argentíska liðsins River Plate.
Þróttur R. var að krækja í bandarískan miðjumann fyrir komandi átök í Bestu deild kvenna.
Víðir Garði var að styrkja leikmannahópinn sinn fyrir komandi sumar með lánsmanni frá Keflavík.
Máni Dalstein Ingimarsson er kominn aftur heim til Dalvíkur/Reynis og gerir tveggja ára samning við uppeldisfélagið.
Hull City er búið að krækja í tvo öfluga lánsmenn á lokadögum janúargluggans.
Miðjumaðurinn öflugi Lucas Paquetá er kominn aftur til uppeldisfélagsins Flamengo í Brasilíu.
Sóknarmaðurinn Evann Guessand hefur verið tilkynntur sem nýr leikmaður Crystal Palace.
Ítalski vængmaðurinn Lorenzo Insigne er genginn í raðir Pescara en hann hefur verið án félags frá því í sumar er hann rifti samningi sínum við Toronto í MLS-deildinni.
Sóknarleikmaðurinn Bragi Karl Bjarkason hefur verið keyptur frá FH til Njarðvíkur. Talað hefur verið um að kaupverðið sé um fjórar milljónir króna. Bragi er 23 ára og var eitt ár hjá FH, eftir að hafa komið frá uppeldisfélagi sínu, ÍR. <i>Bragi gerir samning við Njarðvík út keppnistímabilið 2029, og hefur æfingar með nýju liðsfélögum sínum í dag. Knattspyrnudeild Njarðvíkur býður Braga Karl hjartanlega velkominn til Njarðvíkur og hlakkar mikið til að sjá hann í grænu treyjunni næstu árin!"</i> segir í tilkynningu Njarðvíkinga.
Jón Vignir Pétursson hefur skrifað undir tveggja ára samning við Aftureldingu en hann kemur á frjálsri sölu frá Selfossi þar sem samningur hans við uppeldisfélagið rann út eftir síðasta tímabilið. Fótbolti.net sagði frá því í gær að Jón Vignir væri á leið til Aftureldingar. Jón er 22 ára gamall en hann hefur á ferli sínum spilað á miðjunni og sem miðvörður. Hann hefur verið lykilmaður hjá Selfossi síðustu tímabil og verið fyrirliði liðsins frá árinu 2023. Hann er fæddur árið 2003, á að baki sex tímabil í meistaraflokki og hefur alls spilað ríflega 150 leiki fyrir félagið. Hann meiddist illa í júlí í fyrra og er að komast af stað aftur.
Fulham hefur gengið frá kaupum á norska leikmanninum Oscar Bobb frá Manchester City. Fulham greiðir 27 milljónir punda fyrir Bobb sem gerir fimm og hálfs árs samning. Hluti af samkomulaginu milli félaganna er að Cityfái 20% af næstu sölu á Bobb og þegar Fulham samþykkir tilboð frá öðru félagi þá geti City jafnað það tilboð. Bobb, sem er 22 ára, getur bæði spilað miðsvæðis og á kantinum. Hann var mjög heitur komandi inn í tímabilið 2024/25 en meiddist illa og hefur ekki náð að tengja saman marga leiki með City frá þeim meiðslum.
Diego Coppola er genginn til liðs við Paris FC á láni frá Brighton út tímabilið. Coppola er 22 ára gamall ítalskur miðvörður en hann gekk til liðs við Brighton frá Hellas Verona síðasta sumar.
Úkraínumaðurinn Oleksandr Zinchenko er á leið til Ajax frá Arsenal en Fabrizio Romano greinir frá því að hann muni skrifa undir samning við hollenska félagið í dag.
Vestri tilkynnti um komu Konstantin Cheshmedjiev til félagsins í gær. Cheshmedjiev er þrítugur miðvörður en hann fagnaði þrítugs afmælinu sínu í gær. Hann kemur til landsins í dag.
Tindastóll tilkynnti um komu Rita Lang til félagsins en hún skrifar undir samning við félagið fyrir baráttuna í Lengjudeildinni næsta sumar. Lang er 27 ára gömul og er portúgalskur miðjumaður. Hún hefur spilað í Bandaríkjunum, Portúgal og á Írlandi.
Alex Freyr Elísson var í dag tilkynntur sem nýr leikmaður NSÍ Runavíkur. Hann kemur til félagsins eftir að hafa verið í um tvo mánuði hjá Njarðvík. Alex kom til Njarðvíkur frá Fram í vetur og hefur leikið með liðinu í æfingaleikjum. Hann var hins vegar með ákvæði í samningi sínum að hann gæti farið erlendis ef áhugi kæmi þaðan. Alex er 28 ára hægri bakvörður sem skrifar undir samning við NSÍ sem gildir út tímabilið 2026. Sigurður Ragnar Eyjólfsson er þjálfari NSÍ.
Milan Jezdimirovic hefur skrifað undir samning við ÍBV. Hann er fyrsti serbneski leikmaðurinn sem Serbinn Aleksandar Linta fær til Eyja eftir að hann tók við sem þjálfari liðsins fyrr í þessum mánuði. Fyrir í hópnum hjá ÍBV var Serbinn Milan Tomic sem kom fyrir síðasta tímabil.
Spánverjinn Abdelhadi Khalok hefur samið við Víking Ólafsvík en hann kemur til félagsins frá Kormáki/Hvöt.
Sveinn Aron Guðjohnsen er genginn til liðs við Cavese í C-deildinni á Ítalíu en hann gerir samning út leiktíðina með möguleika á að framlengja um ár til viðbótar ef ákveðnum skilyrðum er mætt.