02.01.23 - 07:00
Jóhann Þór Hólmgrímsson
Fyrrum þjálfari Gakpo: Hann er demantur
Mynd: Getty Images
Mynd: Getty Images
Fyrrum stjóri Cody Gakpo, nýjasta leikmanns Liverpool segir að hann muni koma öllum á óvart í treyju Liverpool.
Pascal Jansen þjálfaði Gakpo í unglingaliðum PSV en hann stýrir nú aðalliði AZ Alkmaar.
„Gakpo er demantur. Ég kynntist honum í u15 ára liði PSV og hann skein nú þegar í akademíunni með þessum gríðarlegu gæðum. Hann var ein af stjörnum hollenska landsliðið á HM, aðeins 23 ára. Hann mun koma öllum á óvart hjá Liverpool, hann gæti orðið stórkostlegur framherji," sagði Jansen í samtali við Gazetta Dello Sport.
Gakpo gæti spilað sinn fyrsta leik fyrir Liverpool í kvöld þegar liðið mætir Brentford.
