Gennaro Gattuso er búinn að snúa gengi Napoli við og er liðið búið að vinna fimm deildarleiki í röð en það verður flókið að sigrast á Atalanta á útivelli.

Atalanta er búið að vinna sex leiki í röð og er í Meistaradeildarsæti sem stendur, tólf stigum fyrir ofan Napoli sem er í Evrópudeildarsæti.

Hvorugt liðið er að glíma við mikil meiðslavandræði og því hægt að búast við leik í háum gæðaflokki.

Að stórleiknum loknum fer viðureign Roma og Udinese af stað.

Heimamenn í Róm eru í fínni stöðu í Evrópubaráttunni, þó níu stigum frá Meistaradeildarsæti. Þeir verða án Lorenzo Pellegrini og Jordan Veretout í kvöld vegna uppsafnaðra spjalda. Þá missir markvörðurinn Pau Lopez af leiknum vegna meiðsla.

Leikir kvöldsins:
17:30 Atalanta - Napoli (Stöð 2 Sport 2)
19:45 Roma - Udinese