mán 03. maí 2021 09:40
Elvar Geir Magnússon
Vill sjá Man Utd kaupa Grealish og Kane
Powerade
Verður Neymar áfram hjá PSG?
Verður Neymar áfram hjá PSG?
Mynd: Getty Images
Neymar, Pogba, Abraham, Kane, Grealish, Keita, Alaba og fleiri koma við sögu í slúðurpakka dagsin. BBC tók saman.

Leonardo, íþróttastjóri Paris St-Germain, virðist ekki sannfærður um að brasilíski sóknarleikmaðurinn Neymar (29) muni skrifa undir framlengingu við franska félagið. (Marca)

Manchester United mun hefja samningaviðræður við franska miðjumanninn Paul Pogba (28). Félagið er tilbúið að selja hann ef tilboðinu verður hafnað. (Mirror)

David Moyes, stjóri West Ham, segir að félagið muni reyna að fá inn sóknarmann í sumar. Hann útilokar þó tilboð í Tammy Abraham (23) ef Chelsea lætur 45 milljóna punda verðmiða á hann. (Football London)

West Brom ætlar að funda með Sam Allardyce um framtíð hans sem stjóri. Samningur Stóra Sam fellur úr gildi ef (kannski réttara að segja þegar) West Brom fellur. (Telegraph)

Leicester City mun gera 35 milljóna punda tilboð í franska miðjumanninn Boubakary Soumare (22). (Sun)

Newcastle fylgist með norska varnarmanninum Kristoffer Ajer (23) hjá Celtic. (Scottish Sun)

Roy Keane, fyrrum miðjumaður Manchester United, telur að félagið eigi að reyna að kaupa Harry Kane (27) frá Tottenham og Jack Grealihs (25) frá Aston Villa til að geta keppt við Mancheser City um titilinn á næsta ári. (Sky Sports)

Jurgen Klopp, stjóri Liverpool, segir að miðjumaðurinn Naby Keita (26) eigi framtíð til langs tíma hjá félaginu. (Mail)

Edwin van der Sar, framkvæmdastjóri Ajax, segir að hann væri til í að vinna fyrir Manchester United en ekki hafi verið haft samband við sig um að koma í staðinn fyrir Ed Woodward. (ESPN)

Tottenham hefur áhuga á brasilíska vængmanninum Rodrigo Varanda (18) hjá Corinthians. (Sun)

Austurríski varnarmaðurinn David Alaba (28) mun fá sömu laun og Sergio Ramos þegar hann gengur í raðir Real Madrid á frjálsri sölu frá Bayern München. (Fabrizio Romano)

Fulham hefur fylgst með framherjanum Siriki Dembele (24) hjá Peterborough United en Rangers, Celtic og Crystal Palace hafa einnig áhuga. (Football Insider)
Athugasemdir
banner
banner
banner
banner