Lommel tapaði 2-1 á útivelli gegn Deinze í belgísku B-deildinni í kvöld. Lommel er í harðri baráttu um 2. sæti deildarinnar. 2. sætið veitir sæti í efstu deild á næsta tímabili.

Lommel hefði getað minnkað muninn í Seraing niður í tvö stig með sigri. Á móti minnkaði Deinze muninn í Lommel niður í tvö stig. Deinze er í 4. sæti deildarinnar.

Lommel komst yfir í leiknum og leiddi í hléi. Í seinni hálfleik sneru heimamenn taflinu sér í vil og lönduðu sigrinum.

Kolbeinn Þórðarson er leikmaður Lommel en lék ekki með liðinu í dag. Kolbeini var skipaðí sóttkví eftir að hafa komið til Belgíu frá Ungverjalandi á fimmtudag og var því ekki með í dag.

Kolbeinn lék tvo leiki á dögunum í lokakeppni EM með U21 árs landsliðinu.