mán 05. apríl 2021 18:54
Sæbjörn Þór Þórbergsson Steinke
England: Batshuayi og Guaita björguðu stigi á Goodison
Mynd: Getty Images
Mynd: Getty Images
Everton 1 - 1 Crystal Palace
1-0 James Rodriguez ('56 )
1-1 Michy Batshuayi ('86)

Everton og Crystal Palace skildu jöfn á Goodison Park í dag. James Rodriguez skoraði fyrir heimamenn á 56. mínútu en varamaðurinn Batshuayi jafnaði leikinn á 86. mínútu leiksins. Batshuayi kom inn á tveimur mínútum áður.

Everton fékk fleiri og betri færi í leiknum en tókst ekki að koma boltanum nema einu sinni framhjá Vicente Guaita í marki Crystal Palace. Guaita var frábær og varði frábærlega á 89. mínútu leiksins þegar Everton hefði getað skorað sigurmarkið.

Það var Seamus Coleman sem lagði upp mark James en Jeffrey Schlupp lagði upp mark Batshuayi.

Everton er í 8. sæti, fjórum stigum frá Meistaradeidlarsæti. Palace er níu stigum á eftir í 12. sætinu. Tólf stig eru þaðan niður í Fulham í fallsæti.

Gylfi Þór Sigurðsson byrjaði á bekknum í dag en kom inn á eftir hálftíma þegar Andre Gomes gat ekki haldið leik áfram.


Athugasemdir
banner
banner
banner