Landsliðsmiðvörðurinn Glódís Perla Viggósdóttir er ein af þremur leikmönnum sem koma til greina sem leikmaður mánaðarins í sænsku úrvalsdeildinni.
Glódís hefur verið hreint út sagt stórkostleg fyrir Rosengård á tímabilinu.
Rosengård er á toppnum í sænsku úrvalsdeildinni þegar mótið er hálfnað með sex stiga forystu á Häcken í öðru sæti. Rosengård hefur unnið níu leiki, gert tvö jafntefli en ekki enn tapað leik.
Rosengård hefur aðeins fengið á sig tvö mörk í fyrstu 11 leikjum sínum og spilar Glódís Perla stórt hlutverk í því. Hún hefur verið mögnuð í hjarta varnarinnar hjá liðinu og átt fast sæti í liði umferðarinnar.
Hún kemur til greina sem leikmaður mánaðarins í Svíþjóð fyrir júnímánuð ásamt liðsfélögum sínum, Olivia Schough og Jelena Cankovic.
Þjálfarar, fyrirliðar og sérfræðingar velja um hver verður leikmaður mánaðarins en valið verður tilkynnt á næstunni.
Nú þegar hefur einn Íslendingur fengið tilnefningu fyrir að vera leikmaður mánaðarins í Svíþjóð á þessu tímabili. Sveindís Jane Jónsdóttir, leikmaður Kristianstad, var valin í apríl.
🏆 @FCRosengard gick obesegrade genom ännu en månad och de nominerade till Månadens Spelare i juni kommer alla från klubben: Olivia Schough, Glodis Perla Viggosdottir och Jelena Cankovic. Läs mer på https://t.co/4qsZnxSEWi. #OBOSDamallsvenskan pic.twitter.com/eTt3Ivc7v6
— OBOS Damallsvenskan (@_OBOSDamallsv) July 5, 2021
Athugasemdir