Franski kantmaðurinn Ousmane Dembele verður ekki leikmaður Manchester United í dag.
Man Utd hefur verið á eftir Jadon Sancho í allt sumar en það gekk ekki eftir og var Dembele þá næstur á lista.
Man Utd vildi fá hann á láni frá Barcelona en Börsungar voru ekki tilbúnir að lána hann. Barcelona skipti um skoðun í dag og opnaði dyrnar fyrir lánssamning en vildi þá að Dembele myndi framlengja samning sinn um eitt ár.
David Ornstein, fréttamaður The Athletic segir að það verði ekkert af því að Dembele fari til Manchester United.
Man Utd er búið að ganga frá kaupum á Alex Telles og Edinson Cavani verður staðfestur sem nýr leikmaður félagsins fljótlega. Núna er hins vegar útlit fyrir að enginn hægri kantmaður komi til félagsins í þessum glugga.
🚨 Manchester United’s proposed move for Ousmane Dembele is off. #MUFC were only interested in loan whereas Barcelona wanted sale. #FCBarcelona changed stance late on & opened door to loan but only if 23yo France winger extended his contract by a year @TheAthleticUK #DeadlineDay
— David Ornstein (@David_Ornstein) October 5, 2020
Athugasemdir