Osimhen fer til Lundúna - Tuchel aftur til Englands - Zidane til Bayern? - Bayern og Liverpool berjast um Alonso
banner
   mán 06. júní 2022 09:15
Guðmundur Aðalsteinn Ásgeirsson
Sterkust í 7. umferð - Óaðfinnanleg í leiknum
Birta Georgsdóttir (Breiðablik)
Mynd: Fótbolti.net - Hafliði Breiðfjörð
Það er Steypustöðin sem færir þér leikmann umferðarinnar í Bestu deildinni. Birta Georgsdóttir, leikmaður Breiðabliks, er sú sterkasta í sjöundu umferð.

Sjá einnig:
Sterkasta lið 7. umferðar - Stillt upp í 5-2-3

Birta fór á kostum - svo vægt sé til orða tekið - í stórsigri Breiðbliks gegn Aftureldingu.

„Birta skoraði eitt mark og gerði sér lítið fyrir og var með fjórar stoðsendingar; óaðfinnanleg í leiknum," skrifaði Kári Snorrason í skýrslu sinni frá leiknum.

Birta, sem er fædd árið 2002, er uppalin í Stjörnunni en steig sín fyrstu skref í meistaraflokki með FH. Hún skipti yfir Breiðablik fyrir tímabilið í fyrra og skoraði þá fjögur mörk í 18 deildarleikjum. Í sumar er hún búin að spila sjö leiki og skora tvö mörk.

„Mér fannst við svara vel fyr­ir það sem er búið að vera í gangi," sagði Birta í samtali við Morgunblaðið en Blikar hafa ekki verið að ná í mjög góð úrslit í sumar.

„Við lögðum upp með að koma inn í þenn­an leik og keyra á þær og við gerðum það fannst mér. Við höf­um stund­um átt erfitt með að koma bolt­an­um yfir lín­una, þrátt fyr­ir að skapa okk­ur fullt... Ég tek bara einn leik í einu og reyni að gera mitt besta í hverj­um leik. Við í liðinu höld­um líka áfram af okk­ar krafti og von­andi kem­ur það okk­ur langt."

Birta og hennar liðsfélagar í Breiðabliki eiga leik annað kvöld gegn Selfossi. Þar mun liðið reyna að fylgja eftir góðum sigri gegn Aftureldingu.

Sjá einnig:
Sterkust í 1. umferð - Ana Paula Santos Silva (Keflavík)
Sterkust í 2. umferð - Samantha Leshnak Murphy (Keflavík)
Sterkust í 3. umferð - Arna Eiríksdóttir (Þór/KA)
Sterkust í 4. umferð - Ásta Eir Árnadóttir (Breiðablik)
Sterkust í 5. umferð - Júlíana Sveinsdóttir (ÍBV)
Sterkust í 6. umferð - Sandra Sigurðardóttir (Valur)
Athugasemdir
banner
banner