06.09.20 - 17:29
Guðmundur Aðalsteinn Ásgeirsson
England: Jafnt í stórleiknum - Arsenal burstaði Reading
Man Utd náði í stig í stórleiknum.
Mynd: Getty Images
Man Utd náði í stig í stórleiknum.
Mynd: Getty Images
Fyrstu umferðinni í úrvalsdeild kvenna í Englandi lauk í dag. Deildin hófst í gær þegar Manchester City vann 2-0 sigur á Aston Villa. Enska landsliðskonan Georgia Stanway skoraði þar bæði mörkin fyrir City.
Í dag voru fimm leikir. Dagurinn byrjaði á leik Arsenal og Reading þar sem Arsenal vann öruggan 6-1 sigur. Hollendingarnir Jill Jamie Roord og Vivianne Miedema voru drjúgar fyrir Arsenal. Roord skoraði þrennu og Miedema var með tvö, þar á meðal þetta glæsimark sem sjá má neðst í fréttinni.
Brighton lagði Birmingham, Everton burstaði Bristol City og Tottenham og West Ham skildu jöfn.
Í stórleik fyrstu umferðar mættust Manchester United og Chelsea. Þar var jafntefli niðurstaðan í hörkuleik. Sam Kerr kom Chelsea yfir á 25. mínútu en þegar rúmar tíu mínútur voru eftir af venjulegum leiktíma skoraði Leah Galton jöfnunarmark Man Utd.
María Þórisdóttir var ekki í hóp hjá Chelsea en Pernille Harder, ein besta fótboltakona í heimi, spilaði síðustu tíu mínúturnar fyrir ríkjandi Englandsmeistara Chelsea. Hún gekk nýlega í raðir félagsins frá Wolfsburg.
Arsenal er á toppnum eftir fyrstu umferðina en gera má ráð fyrir því að baráttan um titilinn verði á milli Arsenal, Chelsea og Man City. Man Utd gæti líka blandað sér í þá baráttu.
Brighton lagði Birmingham, Everton burstaði Bristol City og Tottenham og West Ham skildu jöfn.
Í stórleik fyrstu umferðar mættust Manchester United og Chelsea. Þar var jafntefli niðurstaðan í hörkuleik. Sam Kerr kom Chelsea yfir á 25. mínútu en þegar rúmar tíu mínútur voru eftir af venjulegum leiktíma skoraði Leah Galton jöfnunarmark Man Utd.
María Þórisdóttir var ekki í hóp hjá Chelsea en Pernille Harder, ein besta fótboltakona í heimi, spilaði síðustu tíu mínúturnar fyrir ríkjandi Englandsmeistara Chelsea. Hún gekk nýlega í raðir félagsins frá Wolfsburg.
Arsenal er á toppnum eftir fyrstu umferðina en gera má ráð fyrir því að baráttan um titilinn verði á milli Arsenal, Chelsea og Man City. Man Utd gæti líka blandað sér í þá baráttu.
vivianne miedema with an outstanding finish for her second goal🤤 pic.twitter.com/pTmP1MgD3n
— em🎗 (@afc3mily) September 6, 2020
