Gylfi Þór Sigurðsson.
Björn Steinar Jónsson, nýr formaður fótboltadeildar Vals, býst við að Gylfi Þór Sigurðsson verði enn betri á næsta tímabili fyrir liðið en hann var á liðnu tímabili.
Björn sagði frá því í útvarpsþættinum Fótbolti.net að hann hefði rætt við Gylfa eftir að tímabilinu lauk.
Björn sagði frá því í útvarpsþættinum Fótbolti.net að hann hefði rætt við Gylfa eftir að tímabilinu lauk.
„Ég hitti hann í vikunni. Hann kom inn í þetta tímabil þannig að hann var frá í nóvember til janúar og meiddur fyrir ári síðan. Hann fór út til Spánar til að jafna sig og kom svo beint inn í mótið," segir Björn.
„Núna ætlar hann sér að fara til Spánar og halda áfram að æfa og koma inn í undirbúningstímabilið. Gylfi sýndi á þessu tímabili hversu góður og öflugur hann getur verið. Ég held að hann ætli sér og muni verða miklu öflugri á næsta tímabili."
Gylfi var valinn í lið ársins í Bestu deildinni en hann sagði eftir lokaumferð tímabilsins að hann yrði væntanlega áfram með Val á næsta tímabili en samningurinn sem hann gerði var til tveggja ára.
Athugasemdir
