Afríkumótið hefst á morgun í Kamerún með leik heimamanna og Burkina Faso kl 16.
Covid-19 hefur verið að stríða nokkrum liðum sem keppa á mótinu en nýjar reglur hafa verið settar á sem gæti orðið til þess að útileikmaður verði í marki.
Þannig er mál með vexti að leikjum verður ekki frestað nema liðin nái ekki í byrjunarlið, þ.e. ef liðið er ekki með að minnsta kosti ellefu leikmenn klára í leikinn.
Þá skiptir engu máli þó það sé enginn markvörður, þá verður bara útileikmaður að vera í marki. Það kom meðal annars upp hópsmit hjá Senegal fyrir nokkrum dögum en Senegal mætir Zimbabwe á mánudaginn.
Athugasemdir