mið 08. júlí 2020 08:00
Ívan Guðjón Baldursson
Sjáðu atvikið: Patric rekinn útaf fyrir að bíta Donati
Mynd: Getty Images
Toppbaráttulið Lazio tapaði óvænt gegn fallbaráttuliði Lecce er liðin mættust í ítalska boltanum í gærkvöldi.

Lecce var 2-1 yfir í uppbótartíma þegar spænski bakvörðurinn Patric Gabarron fékk þá flugu í hausinn að bíta Giulio Donati, leikmann Lecce, í handlegginn að hætti Luis Suarez.

Atvikið var skoðað í VAR herberginu og barst dómara leiksins tilkynning um að reka yrði Patric af velli hið snarasta eftir þessa fáránlegu hegðun hans.

Patric er 27 ára gamall og hefur leikið 87 leiki á fimm árum hjá Lazio. Þar áður var hann partur af B-liði Barcelona og fékk aðeins að spila einn leik með stóru strákunum í aðalliðinu.


Athugasemdir
banner
banner
banner