#7 Nikola Kalinic. Kalinic var keyptur frá Fiorentina árið 2017. Hann hafði átt tvær góðar leiktíðir í Flórens. Hann varð þvílíkur hausverkur í Milan því hann gat ekki skorað, liðið var eins og manni færra. Króatíski framherjinn skoraði einungis sex mörk í 41 leik áður en hann fór til Atletico Madird þar sem hann náði heldur ekki að blómstra. Nú er hann á bekknum hjá Roma.

#6 Leonel Vangioni. Kom frítt árið 2016 frá Argentínu og spilaði lítið. Týpískt fyrir Milan undanfarið að fá leikmenn frítt sem eru svo lítið notaðir. Fyrsti leikurinn kom hálfu ári eftir komuna til Milan. Gleymdur.

#5 Alessio Cerci. Kom á láni frá Atletico og var í hálft ár hjá Milan. Cerci hafði áður blómstrað á Ítalíu en náði aldrei hæðunum sem hann náði í Tórínó hjá AC. Hann var gagnslaus á vængnum og fór til Genoa.

#4 Cristian Zaccardo. Vann HM með Ítalíu og hafði leikið vel með Palermo og Parma áður en hann kom til Milan. Spilaði sautján leiki á tveimur og hálfu ári. Hann neitaði 2014 að fara til Parma í skiptum fyrir Jonathan Biabany og var honum ekki fyrirgefið fyrir það.

#3 Fernando Torres. Tveggja ára lánssamningur frá Chelsea árið 2014. Átti að vera tækifæri til að lyfta ferlinum upp á ný en hann náði ekki að sýna sitt besta. Gleymist að hann var hjá Milan, eitt mark í tíu leikjum.

#2 Alessandro Matri. Matri hefur spilað fyrir mörg ítölsk félög. Hann kom til uppeldisfélagsins eftir góða tíma hjá Juve og væntingarnar voru miklar. Eins og gefur að skilja miðað við þennan lista stóð hann ekki undir þeim og skoraði hann bara eitt mark í 18 leikjum. Matri er í dag án félags.

#1 Alen Halilovic. Félagaskipti sem áttu engan vegin rétt á sér þegar Halilovic var fenginn frítt. Hann var talinn einn efnilegasti leikmaður heims þegar Barcelona keypti hann en hafði ekki náð að blómstra hjá Hamburg og Las Palmas, það átti að segja nóg. Halilovic hefur enn ekki spilað leik í deildinni en á þrjá leiki í Evrópudeildinni. Hann er enn á samning en er á láni hjá Heerenveen. Fenginn frítt en aftur engin not fyrir leikmanninn.