Fótbolti.net

Leiðin úr Lengjunni - ÍR á toppinn og ekkert gengur upp í Árbænum

Útvarpsþátturinn - Sigur á Hampden, Besta liðið og Gunnar Heiðar

Turnar Segja Sögur - Írland frá Jackie Charlton til Heimis Hallgríms

Uppbótartíminn - Þurfum að vinna leikina á EM

Leiðin úr Lengjunni - Leiknismenn rifu í gikkinn og afgerandi úrslit

Innkastið - Umdeild atvik og Íslandsmeistararnir vakna

Neðri deildir lengst uppi!

Tveggja Turna Tal - Þorkell Máni Pétursson

Freysi á heimavelli - Hvernig er líf íslenska þjálfarans í Bergen?

Útvarpsþátturinn - Boltinn, Brann og bestu barirnir

Innkastið - Bitlausir Blikar og galopnir KR-ingar

Grasrótin - 4. umferð, Baldvin Borgars í mánaðarfrí

Hugarburðarbolti Uppgjörið í Enska !

Sveindís fer yfir ákvörðunina óvæntu - Valdi borg englanna

Hugarburðarbolti GW 38 Sturlaður lokasprettur í enska!

Leiðin úr Lengjunni - Hamingja á Húsavík og fúlir Fylkismenn

Uppbótartíminn - Nýtt lið á toppnum og mikilvægir landsleikir

Enski boltinn - Rándýr dómaramistök og bikar á loft á Anfield

Tveggja Turna Tal - Óskar Smári Haraldsson

Innkastið - Blikar lúta í gras og Davíð Smári finnur lausnir

sun 09. ágúst 2015 13:30

Útvarpsþátturinn Fótbolti.net

Upptaka - Höskuldur: Á Gumma Ben margt að þakka

Höskuldur á fleygiferð á KR-vellinum.

Mynd: Fótbolti.net - Hafliði Breiðfjörð

Höskuldur Gunnlaugsson hefur heldur betur slegið í gegn með Breiðabliki í Pepsi-deildinni í sumar. Þessi tvítugi leikmaður hefur blómstrað en hann kíkti í skemmtilegt spjall í útvarpsþættinum Fótbolti.net á X-inu í gær.

Guðmundur Benediktsson, núverandi aðstoðarþjálfari KR, þjálfaði Höskuld hjá Blikum í fyrra og gaf honum tækifærið.

„Ég spilaði slatta af leikjum sem sóknarbakvörður í fyrra. Gummi Ben og Willum sáu aðeins meiri sóknarhæfileika í mér og hentu mér á kantinn. Gummi hafði mikla trú á mér og gaf mér alvöru séns, ég á honum margt að þakka. Ég byrjaði alla seinni umferðina undir hans stjórn. Nú er ég árinu reyndari og þroskaðri, líkamlega og andlega. Ég var ákveðinn í að skora meira og leggja upp," segir Höskuldur.

Höskuldi hefur verið líkt við leikmanninn Gumma Ben af fótboltaáhugafólki.

„Hann var frábær leikmaður og svo þegar hann var að þjálfa okkur var hann oft á strigaskónum að gera lítið úr okkur á slútt-æfingum. Það er heiður ef það er verið að líkja mér við hann."

Eins og flestir hæfileikaríkir ungir leikmenn er Höskuldur með stefnuna á að reyna sig í atvinnumennsku erlendis.

„Ég er að fókusa á núið. Það er ógeðslega gaman í Blikum og er einstök stemning sem maður hefur ekki upplifað áður. Það sýnir sig á vellinum. Það er samt klárlega markmið mitt að taka næsta skref og sjá hversu langt maður nær," segir Höskuldur.

Þrátt fyrir að vera ekki hár í loftinu skorar Höskuldur reglulega skallamörk.

„Félagi minn sem spilar núna með Hamri, Hafþór Haukur Steinþórsson, var alltaf að skjóta á mig í yngri flokkunum. Hann var rosa góður skallamaður sjálfur en sagði mig alltaf lélegan skallamann þegar við vorum að leika okkur. Það peppaði mig í að æfa mig í þessu. Ég hef ekki verið frábær skallamaður en fór aðallega að pæla í staðsetningum."

Höskuldur er aðdáandi Manchester United og Perl Jam eins og fram kemur í viðtalinu sem má heyra í spilaranum hér að ofan.

Sjá einnig:
Hlustaðu á þáttinn í heild sinni