Moussa Dembele, sóknarmaður Lyon, toppliðs frönsku úrvalsdeildarinnar, er á leið til toppliðs spænsku úrvalsdeildarinnar, Atletico Madrid.
Dembele mun koma á láni til Atletico sem mun svo eiga möguleika á að kaupa hann fyrir 33 milljónir evra að því er kemur fram á vefmiðlinum Goal.
Dembele kom til Lyon frá Celtic árið 2018 og hefur hann skorað 45 mörk í 108 leikjum fyrir Lyon.
Hann er aðeins búinn að skora eitt mörk á þessu tímabili og ætlar hann að prófa eitthvað nýtt núna. Næsti áfangastaður hans verður Madríd á Spáni.
Samkvæmt Goal þá fer hann í læknisskoðun hjá Atletico á morgun. Hann mun fylla skarð Diego Costa sem yfirgaf félagið í síðasta mánuði.
Athugasemdir