Miðvörðurinn Sverrir Ingi Ingason spilaði allan leikinn þegar PAOK vann 2-0 sigur gegn Panaitolikos í grísku úrvalsdeildinni á þessu miðvikudagskvöldi.
Sverrir er kominn aftur á fullt eftir meiðsli og hjálpaði hann sínu liði að landa góðum sigri í kvöld.
PAOK er eftir þennan sigur í þriðja sæti grísku úrvalsdeildarinnar, 11 stigum á eftir toppliði Olympiakos.
Arnór ónotaður varamaður
Skagamaðurinn Arnór Sigurðsson kom ekki við sögu þegar Venezia tapaði gegn Atalanta í ítölsku bikarkeppninni. Arnór er á láni hjá Venezia frá CSKA en hann hefur ekki verið í stóru hlutverki hjá ítalska úrvalsdeildarfélaginu á tímabilinu.
Kolbeinn byrjaði í æfingaleik
Vinstri bakvörðurinn Kolbeinn Birgir Finnsson spilaði í gær æfingaleik þegar varalið Borussia Dortmund vann 4-0 sigur gegn Alemannia Aachen. Kolbeinn spilaði klukkutíma í leiknum.
Athugasemdir