Fyrri undanúrslitaleikjum umspils Championship deildarinnar um síðasta lausa sætið í ensku úrvalsdeildinni var að ljúka rétt í þessu.
Engum tókst að koma boltanum í netið í dag þar sem báðum leikjunum lauk með markalausu jafntefli.
Leeds United heimsótti Norwich City í bragðdaufri viðureign þar sem lítið var um færi en Wilfried Gnonto átti líklega að fá dæmda vítaspyrnu en ekki er notast við VAR tæknina.
Það var aðeins meira líf í West Bromwich þar sem heimamenn í WBA tóku á móti Southampton og fengu bæði lið færi til að skora, en boltinn rataði ekki í netið.
Norwich 0 - 0 Leeds
West Brom 0 - 0 Southampton
Athugasemdir
