Daily Mail og Goal eru meðal fjölmiðla sem greina frá því að úrvalsdeildarleikmaður er undir rannsókn lögreglu vegna meintra nauðgunarmála.
Enginn fótboltamaður er nafngreindur en upplýsingarnar sem eru gefnar upp í fréttunum benda til þess að umræddur leikmaður sé Thomas Partey, miðjumaður Arsenal.
Hér ræðir um leikmann sem var handtekinn í febrúar 2023 eftir að hafa verið fyrst handtekinn í júní 2022 og látinn dúsa í gæsluvarðhaldi.
Daily Mail segir að fótboltamaðurinn hafi farið niður á lögreglustöð til að ræða við lögreglu 7. nóvember og tekur fram að þetta mál hefur ekki haft áhrif á spiltíma hans í enska boltanum.
Lögregla segir að rannsókn málsins sé enn í gangi, en meint atvik sem Partey er sakaður um áttu sér stað á árunum 2021 til 2023.
Athugasemdir
