Leikdagarnir hjá Breiðabliki í Meistaradeildinni klárir

UEFA sendi frá sér tilkynningu nú í kvöld þar sem leikjaniðurröðun er klár í riðlakeppni Meistaradeildar Evrópu kvenna. Dregið var í morgun og Breiðablik er í riðli með Paris Saint Germain, Real Madrid og Kharkiv frá Úkraínu.

Breiðablik byrjar á heimaleik gegn Paris Saint Germain 6. október næstkomandi en viku síðar fara þær til Madrídar. Allir leikir keppninnar verða í beinni útsendingu á rás DAZN á YouTube.

Leikjaplanið eins og það lítur út núna er hér að neðan en ekki er enn ljóst hvar heimaleikir Breiðabliks fara fram. Óskastaðan er Kópavogsvöllur en Laugardalsvöllur er til vara.