fös 14. febrúar 2020 13:07
Elvar Geir Magnússon
Maddison sagður vilja fara til Man Utd
James Maddison.
James Maddison.
Mynd: Getty Images
Manchester Evening News segir að James Maddison sé búinn að ákveða að vilji sinn sé að fara til Manchester United í sumar.

Maddison er með nýtt samningstilboð frá Leicester í höndunum en hann er einn launahæsti leikmaður félagsins.

Þrátt fyrir að vera með gott tilboð þá er sagt að Maddison vilji fara á Old Trafford.

Manchester United vill fá leikstjórnanda í sumar og sögusagnir um að Maddison sé efstur á blaði. Einnig vill United fá Jack Grealish, leikmann Aston Villa.

Stefna United ku vera að fá að minnsta kosti þrjá nýja leikmenn inn í sumar.

Maddison hefur leikið lykilhlutverk hjá Leicester síðan hann kom frá Norwich fyrir 24 milljónir punda 2018. Liðið er sem stendur í þriðja sæti.

Sjá einnig:
Kemur Maddison til varnar eftir myndir á djamminu
Athugasemdir
banner
banner
banner