Það fer fram flottur leikur í ensku úrvalsdeildinni á morgun þegar Wolves tekur á móti Tottenham.
Nuno Espirito Santo lék undir stjórn Jose Mourinho hjá Porto á sínum tíma, hann er í dag stjóri Úlfanna og Mourinho stjóri Tottenham.
Nuno talaði vel um sinn fyrrum stjóra í viðtali sem birtist á heimasíðu Wolves.
„Hann er frábær í sínu starfi, einn sá besti í fótboltanum í dag. Það verður ánægjulegt að bjóða hann velkominn á Molineux. Ég þarf ekki að segja mikið meira en það, hann hefur gert frábæra hluti sem knattspyrnustjóri."
Flautað verður til leiks í Wolves og Tottenham klukkan 14:00 á morgun, sunnudag.
Sjá einnig: Mourinho: Santo er betri þjálfari en hann var sem leikmaður
Athugasemdir