16-liða úrslit Meistaradeildar Evrópu hefjast í kvöld en RB Leipzig mætir Liverpool á meðan Barcelona tekur á móti Paris Saint-Germain á Nou Camp.
Leipzig spilar heimaleik sinn á Puskás-leikvanginum í Búdapest í Ungverjalandi en leikmönnum Liverpool var ekki heimilað að fljúga til Þýskalands vegna kórónaveirunnar.
Gengi Liverpool í byrjun árs hefur verið afar slakt en Jürgen Klopp, stjóri liðsins, vonast til að leikmenn nái að hrista það af sér fyrir leikinn í kvöld.
Barcelona tekur þá á móti Paris Saint-Germain á Nou Camp. PSG verður án Neymar í leiknum en hann verður frá næstu vikurnar. Eitt helsta skotmark PSG fyrir sumarið, Lionel Messi, verður væntanlega með Börsungum.
Leikir dagsins:
20:00 RB Leipzig - Liverpool
20:00 Barcelona - Paris Saint Germain
Athugasemdir