Real Madrid sýnir Mac Allister áhuga - Greenwood eftirsóttur - Mourinho til Tyrklands? - Slot vill fá Silva
banner
   þri 16. apríl 2024 14:00
Sæbjörn Þór Þórbergsson Steinke
Ástæðan fyrir því að Barfly er spilað í klefa Haugesund
Bjarni Lárus Hall - Baddi í Jeff Who?
Bjarni Lárus Hall - Baddi í Jeff Who?
Mynd: Fótbolti.net - Hafliði Breiðfjörð
Baddi er Víkingur.
Baddi er Víkingur.
Mynd: Fótbolti.net - Magnús Már Einarsson
Bjarki Freyr Guðmundsson.
Bjarki Freyr Guðmundsson.
Mynd: Fótbolti.net - Hafliði Breiðfjörð
Óli Stefán Flóventsson.
Óli Stefán Flóventsson.
Mynd: Víkurfréttir - Þorgils
Það vakti athygli um helgina þegar lagið Barfly með hljómsveitinni Jeff Who? var spilað í klefa norska liðsins Haugesund eftir sigurleik gegn Tromsö í 3. umferð norsku deildarinnar. Þetta er alls ekki í fyrsta skiptið sem lagið hljómar í klefa liðsins eftir sigurleik.

Barfly er spilað á Víkingsvellinum í hvert sinn sem Víkingur skorar. Bjarni Lárus Hall - Baddi söngvari Jeff Who? er Víkingur.

Lagið hefur verið spilað í klefanum hjá Haugesund frá árinu 2016. En af hverju?

Lagið kom út árið 2005 og er þetta sagan á bakvið hefðina hjá Haugesund.

Árið 2009 léku þeir Bjarki Freyr Guðmundsson og Óli Stefán Flóventsson með liði Vard sem er í Haugesund. Þeir spiluðu lagið eftir sigurleik og varð það í kjölfarið að hefð.

Árið 2016 skipti svo markmaður sem heitir Helge Sandvik frá Vard til Haugesund. Þar vantaði sigurlag í klefann og hann stakk upp á Jeff Who? slagaranum.

Síðan þá hefur þetta lag verið spilað í klefanum hjá Haugseund eftir sigurleiki og er þetta því níunda árið í röð sem lagið hljómar í klefanum eftir sigurleiki.

FKH er með sex stig eftir fyrstu þrjá leikina í norsku deildinni. Óskar Hrafn Þorvaldsson er þjálfari liðsins og þeir Anton Logi Lúðvíksson og Hlynur Freyr Karlsson spila með liðinu.


Athugasemdir
banner
banner