„Fjölnismenn komu mér alls ekki á óvart. Við vorum alveg búnir að leggja það upp að þeir myndu mæta dýrvitlausir enda þurfa þeir á öllum stigum að halda. En það sem kom mér á óvart var hvernig við mættum til leiks. Lungan úr fyrri hálfleik vorum við algjörlega grafnir niður á hælanna og engann veginn tilbúnir að taka á móti þeim.“
Sagði Óli Stefán Flóventsson aðspurður hvort Fjölnismenn hafi komið þeim á óvart í upphafi leiks.
Sagði Óli Stefán Flóventsson aðspurður hvort Fjölnismenn hafi komið þeim á óvart í upphafi leiks.
Lestu um leikinn: Grindavík 0 - 1 Fjölnir
Eins og alkunna er tilkynnti Grindavík fyrir skemmstu að Óli Stefán muni hætta með liðið. Telur Óli Stefán að sú umræða sem skapaðist í kringum það hafi haft áhrif á hugarfar sinna leikmanna?
„Ég á ekki von á því. Það truflaði mig ekki og æfingavikan var mjög góð og fersk og ég á nú ekki von á því að það hafi eitthvað með þetta að gera. Enda þegar öllu er á botnin hvolft þá snýst þetta um að fara út að spila fótbolta. Það er það sem við viljum allir gera og þeir eru í þessu til að spila fótbolta og þegar þú kemur út á grasið eru ytri aðstæður ekki eitthvað sem þú átt að vera velta fyrir þér.“
Grindavík getur ekki gert betur en í fyrra eftir úrslit dagsins og þar með er markmið um að bæta besta árangur Grindavíkur í efstu deild úr sögunni. Er fókusinn á að vinna síðustu leikina?
„Já eða bara fókusa á frammistöðu. Fyrri hálfleikarnir hjá okkur núna í þessari sveiflu þar sem við höfum ekki náð í úrslit hafa verið ekki verið góðir og það er eitthvað sem ég þarf að skoða aðeins betur.“
Sagðir Óli Stefán en viðtalið við hann má sjá hér í spilarnum að ofan.
Athugasemdir