María Catharina Ólafsdóttir Gros átti stórleik er Fortuna Sittard vann 5-0 sigur á Excelsior í undanúrslitum hollenska bikarsins í kvöld en úrslitin þýða það að Sittard spilar til úrslita gegn Ajax í næsta mánuði.
Hildur Antonsdóttir og María voru í byrjunarliði Sittard á meðan Lára Kristín Pedersen byrjaði á bekknum.
Sittard fór með eins marks forystu inn í hálfleikinn og tvöfaldaði síðan forystuna eftir klukkutímaleik.
Fimmtán mínútum fyrir leikslok setti María í næsta gír. Hún skoraði á 76. mínútu og gerði síðan annað mark sitt tíu mínútum síðar.
Lára Kristín kom inn af bekknum rétt áður en María fullkomnaði þrennu sína. Mögnuð bikarþrenna hjá Maríu og Íslendingaliðið komið í úrslit gegn sterku liði Ajax.
Úrslitaleikurinn fer fram 20. maí
Athugasemdir