lau 17. júlí 2021 10:00
Jóhann Þór Hólmgrímsson
Grealish áfram hjá Villa - Ronaldo tekur á sig launalækkun
Powerade
Verður Grealish áfram hjá Villa?
Verður Grealish áfram hjá Villa?
Mynd: Getty Images
Sjáum við Ronaldo aftur í enska boltanum?
Sjáum við Ronaldo aftur í enska boltanum?
Mynd: Getty Images
Podence og Espirito Santo að sameinast á ný?
Podence og Espirito Santo að sameinast á ný?
Mynd: Getty Images
Slúðurpakki dagsins frá BBC er klár.



Harry Kane og Jack Grealish eru enn efstir á óskalista Manchester City í sumar en City ætlar að fá báða til liðsins. (The Athletic)

Grealish mun skrifa undir nýjan samning við Aston Villa. (Birmingham Mail)

Gareth Bale verður að öllum líkindum áfram hjá Real Madrid, engin tilboð hafa borist í leikmanninn sem var á láni hjá Tottenham á síðustu leiktíð. (Mundo Deportivo)

Arsenal hefur náð samkomulagi við Brighton um kaup á enska varnarmanninum Ben White, kaupverðið talið í kringum 50 milljónir punda. (The Athletic)

Crystal Palace vonast eftir því að geta styrkt liðið nóg undir stjórn nýja stjórans Patrick Vieira til að sannfæra Wilfried Zaha um að vera áfram hjá félaginu. (London Evening Standard)

Manchester United hefur komið í veg fyrir að gamli stjóri liðsins, Jose Mourinho sem tók nýverið við Roma, fái brasilíska bakvörðinn Alex Telles á láni. (Sky Sports Italia)

Inter Milan hefur sett í næsta gír til að reyna fá Hector Bellerin frá Arsenal. Ítölsku meistararnir vilja fá hann á láni með möguleika á að kaupa hann næsta sumar. Arsenal vill 15 milljónir evra fyrir hann. (Sun)

Cristiano Ronaldo, 36, hefur verið orðaður við endurkomu til Manchester United og einnig orðaður við PSG, er sagður vera í viðræðum um áframhaldandi veru hjá Juventus. Gæti fengið nýjan eins árs samning og tæki á sig launalækkun. (Gazetta dello Sport)

Nuno Espirito Santo þjálfari Tottenham gæti snúið sér að sínu gamla félagi, Wolves, í leit að nýjum leikmönnum. Fílbeinsstrendingurinn Willy Boly, 30, og portúgalski framherjinn Daniel Podence, 25, eru orðaðir við Spurs. (Talksport)

Tottenham ætla að fá ítalska markvörðinn Pierluigi Gollini, 26, á láni frá Atalanta með möguleikann á að kaupa hann síðar. (Sky Italia)

Burnley hefur unnið Chelsea í kapphlaupi um að fá hinn 34 ára gamla markvörð Wayne Hennessey en samningur hans við Crystal Palace er runninn út. (Football Insider)

Harry Wilson er einn tíu leikmanna sem Liverpool vill selja. Liverpool mun samþykkja tilboð uppá 10 milljónir punda. Hann hefur verið orðaður við Brentford, West Brom og Benfica. (Mirror)

Ezgjan Alioski er tilbúinn til að ganga í raðir Galatasaray frítt frá Leeds. Hann myndi skrifa undir þriggja ára samning en hann hefur neitað tveimur tilboðum frá Leeds um framlengingu á samningi sínum við félagið. (Football Insider)

Sassuolo eru að undirbúa tilboð í serbneska miðjumanninn Marko Grujic hjá Liverpool. Hann á að taka við af Manuel Locatelli sem er orðaður við Arsenal og Juventus. (Sky Sports)
Athugasemdir
banner
banner
banner
banner
banner