Kylian Mbappe
Spænski miðillinn Cadena Ser fullyrðir að föruneyti franska fótboltamannsins Kylian Mbappe sé að funda með nokkrum félögum í Evrópu.
Þessi 25 ára gamli sóknarmaður hefur tjáð Paris Saint-Germain að hann ætli sér að yfirgefa félagið í sumar er samningur hans rennur sitt skeið.
Real Madrid er talinn líklegasti áfangastaður Mbappe og segja miðlar að Florentino Perez, forseti Real Madrid, hafi þegar tilkynnt leikmannahópnum að Mbappe sé á leiðinni, en það er ekki eini kosturinn í stöðunni.
Samkvæmt Cadena Ser sást einn úr föruneyti Mbappe í Manchester þar sem hann á að hafa fundað með stjórnarmönnum Manchester City. Sá aðili sást einnig á æfingasvæði félagsins.
Annar úr föruneytinu var þá viðstaddur á leik RB Leipzig og Real Madrid í Meistaradeildinni í síðustu viku.
Mbappe hefur einnig verið orðaður við Arsenal, Barcelona, Liverpool og Manchester United.
Athugasemdir
