Lið og leikmaður 19. umferðar - Óttalaus í sínum aðgerðum

Óliver Andri Einarsson lagði upp tvö mörk fyrir ÍR-inga í þessum mikilvæga sigri og er einnig í liði umferðarinnar.

Eftir brösótt gengi að undanförnu vann Þróttur 3-1 sigur á Fylki þar sem Aron Snær Ingason var meðal markaskorara og var besti maður vallarins. Sigurður Egill Lárusson skoraði frábært mark í leiknum og Hlynur Þórhallsson var flottur í vörninni. Sigurvin Ólafsson er þjálfari umferðarinnar en Þróttarar komust á toppinn.

Þróttur er með stigi meira en Afturelding sem á leik til góða en Mosfellingar gerðu 2-2 jafntefli gegn HK. Ólafur Örn Ásgeirsson markvörður HK var maður leiksins en hann varði víti og átti margar stórar vörslur.

Völsungur heldur áfram á sigurbraut en tekst ekki að koma sér úr fallsæti þar sem önnur úrslit eru liðinu óhagstæð. Inigo Albizuri skoraði fyrra markið og var maður leiksins i 2-0 sigri gegn Vestra. Xabi Cardenas átti frábæran leik á miðjunni.

Ægismenn eru fallnir eftir 6-1 tap gegn Leikni. Axel Freyr Harðarson skoraði þrennu í leiknum, Daði Bærings Halldórsson og Anton Fannar Kjartansson voru líka meðal markaskorara Breiðhyltinga.

Fyrri úrvalslið:
18. umferð - Valdimar Jóhannsson - Njarðvík
17. umferð - Birnir Breki Burknason - Leiknir
16. umferð - Aron Snær Ingason - Þróttur
15. umferð - Elfar Árni Aðalsteinsson - Völsungur
14. umferð - Birkir Eyþórsson - Fylkir
13. umferð - Óðinn Bjarkason - Afturelding
12. umferð - Andri Freyr Jónasson - Grótta
11. umferð - Birkir Már Sævarsson - Afturelding
10. umferð - Edson - Vestri
9. umferð - Elfar Árni Aðalsteinsson - Völsungur
8. umferð - Sigurður Egill Lárusson - Þróttur
7. umferð - Andi Hoti - Afturelding
6. umferð - Jordan Adeyemo - Ægir
5. umferð - Mattías Kjeld - Grótta
4. umferð - Svavar Örn Þórðarson - HK
3. umferð - Ibrahima Balde - Vestri
2. umferð - Kári Sigfússon - Fylkir
1. umferð - Stefán Þór Pálsson - ÍR