Wesley, framherji Aston Villa, segist hafa verið staðráðinn í að verða atvinnumaður í fótbolta þegar hann var orðinn tveggja barna faðir 16 ára gamall. Wesley kom til Aston Villa frá Club Brugge í sumar og hefur skorað fjögur mörk í átta leikjum í ensku úrvalsdeildinni hingað til.
„Ég átti mitt fyrsta barn þegar ég var 14 ára. Það var erfitt því á þessum tíma var ég að reyna að ná að verða atvinnumaður í fótbolta. Ég varð að vinna á daginn og fara á æfingar á kvöldin," sagði Wesley.
Annað barn Wesley fæddist þegar hann var 16 ára og þá lagði hann ennþá meira í sölurnar til að verða atvinnumaður í fótbolta.
„Þegar ég átti börnin mín þá sagði ég við sjálfan mig að ég yrði að gera allt sem ég gæti til að verða fótboltamaður," sagði Wesley.
Wesley stoppaði við á Spáni, Slóvakíu og Belgíu á leið sinni til Aston Villa en í greininni hér að neðan má lesa meira um feril hans.
Sjá einnig:
Áhugaverð saga dýrasta leikmanns Aston Villa - Tveggja barna faðir 16 ára (22. júlí)
Athugasemdir