Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   fim 20. maí 2021 17:00
Elvar Geir Magnússon
Buffon hefur unnið bikarinn með feðgum
Gianluigi Buffon. Þvílíkur maður.
Gianluigi Buffon. Þvílíkur maður.
Mynd: EPA
Gianluigi Buffon vann sinn fyrsta bikarmeistaratitil á Ítalíu árið 1999 en þá lék hann fyrir Parma. Meðal samherja hans þá var Enrico Chiesa en í gær varð Buffon bikarmeistari með syni hans.

Federico Chiesa skoraði sigurmark Juventus í sigri gegn Atalanta í bikarúrslitunum í gær.

Buffon, sem er 43 ára, lék væntanlega sinn síðasta leik fyrir Juventus í gær. Hann hefur sex sinnum orðið ítalskur bikarmeistari og jafnaði þar með met Roberto Mancini.

Buffon vann keppnina 1999 með Parma og svo fimm sinnum með Juventus, fyrst 2015.

Þegar Buffon vann keppnina með Enrico Chiesa þá var Federico ekki orðinn tveggja ára gamall.


Athugasemdir
banner
banner
banner