Venezia er komið í úrslit umspilsins í Seríu B eftir að hafa unnið Lecce samanlagt, 2-1. Venezia mætir Cittadella eða Monza í úrslitaleik um sæti í Seríu A.
Venezia vann fyrri undanúrslitaleikinn gegn Lecce, 1-0, er liðin mættust á heimavelli Venezia.
Það var mikil spenna í leiknum í kvöld en Venezia komst yfir undir lok fyrri hálfleiks með marki úr vítaspyrnu áður en Stefano Pettinari jafnaði metin um miðjan síðari hálfleik.
Lecce fékk fullkomið tækifæri til að komast í 2-1 á 80. mínútu er liðið fékk vítaspyrnu. Marco Mancuso þrumaði knettinum hins vegar yfir markið.
Venezia í úrslit umspilsins ar sem liðið mætir Monza, sem er í eigu Silvio Berlusconi, fyrrum forsætisráðherra Ítalíu, eða Cittadella.
Bjarki Steinn Bjarkason og Óttar Magnús Karlsson eru á mála hjá Venezia en Bjarki var allan tímann á bekknum í dag.
Athugasemdir