Noregur: Davíð Kristján og félagar unnu toppliðið

Davíð Kristján Ólafsson lék allan leikinn í vinstri bakvarðarstöðunni er Álasund lagði Ham-Kam að velli í toppbaráttu norsku B-deildarinnar.

Toppbaráttan er gríðarlega jöfn þar sem aðeins tvö stig skilja fjögur efstu liðin að sem stendur. Ham-Kam er á toppnum með 26 stig og Álasund í fjórða sæti með 24.

Álasund þurfti að taka forystuna þrisvar sinnum til að vinna leikinn en heimamenn klúðruðu gífurlega mikið af færum og geta sjálfum sér um kennt að hafa tapað þrátt fyrir að jafna leikinn tvisvar.