Vinstri bakvörðurinn Sergio Reguilon var alveg búinn á því eftir 2-1 sigur Tottenham gegn Leeds í ensku úrvalsdeildinni.
Reguilon skorar ekki oft, en hann reyndist hetja síns liðs í dag þegar hann skoraði sigurmarkið í seinni hálfleiknum.
„Ég er ánægðasti maður í heimi; ég skoraði mitt fyrsta mark í ensku úrvalsdeildinni og okkur tókst að vinna. Núna höldum við áfram," sagði sá spænski.
„Ég er með hugarfar sóknarmanns þegar við sækjum. Það er það sem knattspyrnustjórinn vill."
„Ég er dauður en ég er líka mjög ánægður. Við gáfum allt í þetta, það er leiðin núna. Við vissum að við urðum að gera meira í seinni hálfleiknum."
Tottenham er núna komið upp fyrir Manchester United í sjöunda sæti.
Athugasemdir