Selfyssingar eru komnir í úrslit B-deild Fótbolta.net mótsins eftir 4-0 sigur á Þrótti V. í riðli 1 í gær.
Selfoss hafði unnið einn leik og tapað einum fyrir leikinn í gær en liðið þurfti að treysta á það að Kórdrengir myndu tapa stigum gegn Njarðvík.
Selfoss gerði sitt og vann góðan fjögurra marka sigur á Þrótturum en á meðan töpuðu Kórdrengir fyrir Njarðvík, 3-1.
Njarðvík og Selfoss voru jöfn að stigum fyrir leikina í gær en Njarðvík með betri markatölu. Stórsigur Selfyssinga þýðir hins vegar það að liðið endar efst í riðlinum og vinnur hann með +4 í markatölu á meðan Njarðvík er með +3.
Njarðvík spilar um 3. sætið á meðan Kórdrengir spila um 5. sætið. Þá spila Þróttarar um 7, sætið.
Úrslit:
Njarðvík 3 - 1 Kórdrengir
Selfoss 4 - 0 Þróttur V.
Athugasemdir