„Mér fannst hann ekki gæðamikill ef ég á að segja alveg eins og er. Það var mikið barist og mikil læti. Fyrstu tuttugu mínúturnar komu Valsmenn framar á völlinn og pressuðu vel á okkur en um leið og tuttugu mínútur liðu þá náum við góðum tökum á leiknum." sagði Arnar Gunnlaugsson eftir 3-1 sigur á Val í kvöld.
Lestu um leikinn: Valur 1 - 3 Víkingur R.
„Mér fannst við fara illa með góðar leikstöður í fyrri hálfleik og sagði við strákana í hálfleik ef við fengjum aðeins meiri gæði á síðasta þriðjungi þá yrði, ég ætla ekki segja þá yrði þetta auðveldur leikur en þá myndum við skora mörk. Þannig gæðin voru aðeins meiri í seinni hálfleik og flottur sigur, með gott control á leiknum en mér fannst vanta gæði í bæði lið. Það kannski endurspeglast í því að menn eru ekkert alveg að drepast úr sjálfstrausti þessa dagana. Bæði lið ætluðu sér mikið og bæði lið hafa byrjað illa."
Þetta gerir mikið fyrir sjálfstraustið.
„Já klárlega, þetta er alveg magnað fyrirbæri þetta sjálfstraust. Það er korter síðan að við vorum að eiga stórleik í Meistarar meistaranna á móti Breiðabliki og korteri seinna eru þeir búnir að vinna alla leikina og við að ströggla."
Viðtalið má sjá í heild sinni hér að ofan
Athugasemdir