Cristiano Ronaldo elskar að skora gegn Lúxemborg og kom því lítið á óvart að hann hafi skorað tvö mörk í 6-0 sigrinum í kvöld.
Ronaldo skoraði tvö mörk á tuttugu mínútum í fyrri hálfleik gegn Lúxemborg og gerði hann því fjögur mörk í þessu landsliðsverkefni með Portúgölum.
Sóknarmaðurinn skoraði fyrra markið af stuttu færi fyrir framan opið mark en síðara var afar lagleg afgreiðsla.
Ronaldo er með fullkomna tölfræði gegn Lúxemborg en hann hefur skorað ellefu mörk í ellefu leikjum gegn þjóðinni og er þetta í fyrsta sinn sem hann kemst í tveggja stafa tölu gegn annarri þjóð.
Framherjinn er með 122 mörk í 198 landsleikjum.
11 goals in 11 fixtures vs Luxembourg for Ronaldo… and anyone who says they wouldn’t love these games as an international footballer is lying to themselves ???? pic.twitter.com/ZByiRhe5WO
— 101 Great Goals (@101greatgoals) March 26, 2023
Athugasemdir