fim 26. nóvember 2020 12:00
Magnús Már Einarsson
KR og Fram ætla að áfrýja
KR fagnar marki.
KR fagnar marki.
Mynd: Fótbolti.net - Hafliði Breiðfjörð
KR og Fram ætla bæði að áfrýja til áfrýjunardómstóls KSÍ eftir að aga og úrskurðanefnd KSÍ hafnaði kærum þeirra í gær. Vísir greinir frá þessu í dag.

KR kærði þá ákvörðun stjórnar KSÍ að hætta keppni í Íslandsmótum og bikarkeppni og vildi að ákvörðunin yrði felld úr gildi. KR var í baráttu um Evrópusæti en eftir ákvörðun stjórnar KSÍ er ljóst að KR-ingar verða ekki með í Evrópukeppni á næsta tímabili.

„Við teljum að við ættum að geta snúið þessu við fyrir æðri dómstól,“ segir Páll Kristjánsson, formaður knattspyrnudeildar KR, við Vísi.

Fram hafnaði í þriðja sæti Lengjudeildarinnar, liðið var með jafnmörg stig og Leiknir Reykjavík sem hafnaði í öðru sæti og komst upp í Pepsi Max-deildina. Leiknismenn komust upp á betri markatölu.

Kæra Fram byggðist á því að í Covid-19 reglugerðinni er ekkert sagt til um hvernig skera eigi á milli liða sem hafa sama meðalstigafjölda.

Ásgrímur Helgi Einarsson, formaður knattspyrnudeildar Fram, kvaðst í samtalivið Vísi í dag búast við að málinu yrði áfrýjað:

„Ég er nokkuð viss um það,“ sagði Ásgrímur. „Það kom mér náttúrulega á óvart að þetta færi svona. Ég stend í þeirri trú að þeim hafi ekki verið heimilt að nota markaregluna. Ég var þó ánægður með að þetta fengi efnislega meðferð.“
Athugasemdir
banner
banner
banner
banner
banner