Real Madrid sýnir Mac Allister áhuga - Greenwood eftirsóttur - Mourinho til Tyrklands? - Slot vill fá Silva
   fös 27. janúar 2023 21:06
Ívan Guðjón Baldursson
Venlo í góðri stöðu - Nökkvi og félagar á toppinn
Mynd: VVV Venlo
Mynd: Beerschot

Kristian Nökkvi Hlynsson og Kristófer Ingi Kristinsson voru í byrjunarliðum í hollensku B-deildinni í dag.


Kristian lék allan leikinn í 1-1 jafntefli gegn Helmond en bæði lið eru í neðri hluta deildarinnar. Kristian er partur af varaliði Ajax sem er með 24 stig eftir 22 umferðir.

Kristófer Ingi var í liði Venlo sem gerði markalaust jafntefli við Den Haag. Venlo er í góðri stöðu í baráttunni um umspilssæti um sæti í efstu deild, með 36 stig.

Helmond 1 - 1 Jong Ajax

Venlo 0 - 0 Den Haag

Þá var Nökkvi Þeyr Þórisson í fremstu víglínu í 3-2 sigri Beerschot gegn varaliði Genk í belgísku B-deildinni.

Nökkvi Þeyr hefur ekki skorað í fjórum leikjum í röð eftir að hafa verið funheitur í nóvember.

Beerschot er á toppi deildarinnar sem stendur, með 38 stig eftir 20 umferðir.

Beerschot 3 - 2 Genk U23


Athugasemdir
banner
banner
banner