Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 28. febrúar 2021 14:07
Guðmundur Aðalsteinn Ásgeirsson
Svíþjóð: Fyrsti leikur hjá Aroni og Finni Tómasi
Aron lagði upp í fyrsta leik.
Aron lagði upp í fyrsta leik.
Mynd: Fótbolti.net - Hafliði Breiðfjörð
Finnur Tómas Pálmason þreytti frumraun sína með Norrköping í sænska bikarnum í dag.

Finnur Tómas var keyptur til Norrköping frá KR fyrir nokkrum vikum síðan og hefur hægt og rólega verið að koma sér inn í hlutina hjá sænska félaginu.

Hann spilaði sinn fyrsta leik í dag gegn Sandvikens í bikarnum. Hann spilaði fyrri hálfleikinn í 1-4 sigri, en staðan í hálfleik var markalaus.

Ísak Bergmann Jóhannesson var einnig í byrjunarliði Norrköping og spilaði 80 mínútur. Varnarmaðurinn Oliver Stefánsson byrjaði á bekknum en kom inn á sem varamaður á 84. mínútu.

Aron Bjarnason byrjaði á bekknum hjá Sirius gegn Trelleborg en kom inn á sem varamaður og lagði upp jöfnunarmark seint í leiknum. Hann var rétt eins og Finnur Tómas að spila sinn fyrsta leik fyrir nýtt félag í dag.

Leikið er í riðlum til að byrja með í sænska bikarnum og er Norrköping á toppnum í sínum riðli eftir tvo leiki með fullt hús stiga. Sirius er einnig á toppnum í sínum riðli með fjögur stig. Liðin sem vinna riðlana fara áfram í 8-liða úrslit.

Bæði Norrköping og Sirius leika í sænsku úrvalsdeildinni.
Athugasemdir
banner
banner
banner