Það styttist í leik A-landsliðsins gegn Armeníu í undankeppni HM. Leikurinn hefst klukkan 16:00 að íslenskum tíma.
Leikurinn er gríðarlega mikilvægur fyrir íslenska liðið og leikur sem við þurfum að vinna, alveg klárlega.
Leikurinn er gríðarlega mikilvægur fyrir íslenska liðið og leikur sem við þurfum að vinna, alveg klárlega.
Það var íslenskt veður í Armeníu í gær; það var snjór á æfingu Íslands og kalt.
Völlurinn lítur betur út í dag, en leikið er á Vazgen Zaveni leikvanginum sem tekur 14 þúsund áhorfendur. Leikvangurinn er nefndur í höfuðið á Vazgen Zaveni, fyrrum herforingja og stjórnmálamann í Armeníu.
Hægt er að sjá myndir frá vellinum hér að neðan en á gangi á vellinum má sjá myndir úr landsleikjum Armeníu í gegnum tíðina. Á einni myndinni má sjá Sigurð Jónsson tækla leikmann Armeníu í landsleik þjóðanna árið 1998. Það var fyrsta viðureign Armeníu og Íslands en sá leikur endaði 0-0. Hinir tveir leikirnir á milli Armeníu og Íslands hafa báðir endað 2-0 fyrir Ísland.
Leikurinn í dag verður í beinni textalýsingu hér á Fótbolta.net.
Athugasemdir