Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 29. júní 2020 22:40
Ívan Guðjón Baldursson
Bruno Lage sagði upp hjá Benfica - Marco Silva líklegastur
Mynd: Getty Images
Mynd: Getty Images
Bruno Lage er búinn að segja starfi sínu upp hjá Benfica eftir að liðið tapaði öðrum deildarleiknum í röð fyrr í kvöld.

Lage hefur ekki tekist að vinna stuðningsmenn Benfica á sitt band en liðið var þó í harðri toppbaráttu við Porto allt tímabilið.

Nú er Porto að stinga af eftir síðustu úrslit og trónir liðið á toppi deildarinnar með sex stiga forystu.

Benfica tapaði fyrir Santa Clara á heimavelli í síðustu viku og fyrr í kvöld tapaði liðið svo 2-0 á útivelli gegn Maritimo.

Stuðningsmenn félagsins, sem eru þekktir fyrir að vera ofbeldisfullir og ganga alltof langt í mótmælum sínum, eru brjálaðir.

Marco Silva, fyrrum stjóri Hull City, Everton og Watford, er talinn líklegasti arftakinn.

Það eru fimm umferðir eftir af portúgalska deildartímabilinu og á Porto eftir að spila tvo erfiða leiki. Einn er á heimavelli gegn Sporting og hinn á útivelli gegn Braga.

Benfica vann portúgölsku deildina í fyrra undir stjórn Lage. Félagið endaði með 87 stig úr 34 umferðum, tveimur stigum meira en Porto.
Athugasemdir
banner
banner
banner
banner
banner