fim 30. júní 2022 10:00
Sæbjörn Þór Þórbergsson Steinke
Þriðja tilboði Barcelona í Lewandowski neitað
Mynd: EPA
Þýski miðillinn Bild greinir frá því að Bayern Munchen hefði neitað tilboði frá Barcelona í pólsku markamaskínuna Robert Lewandowski.

Sagt er frá því að Barcelona hefði boðið ríflega 34 milljónir punda (40 milljónir evra) og fjórar milljónir punda (5 milljónir evra) í bónusgreiðslur.

Lewandowski á eitt ár eftir af samningi sínum við Bayern, er ósáttur og vill fara frá félaginu.

Bild segir að Bayern vilji sjá tilboð sem hljóði upp á 43 milljónir punda (50 milljónir evra) til þess að hefja alvöru viðræður um sölu á leikmanninum.


Athugasemdir
banner
banner
banner