Fram hefur samþykkt tilboð í hinn unga Markús Pál Ellertsson frá ítalska félaginu Triestina. Félagið borgar 10 milljónir króna fyrir hann samkvæmt heimildum Fótbolta.net.
Samningaviðræður milli Triestina og Markúsar eru hafnar.
Samningaviðræður milli Triestina og Markúsar eru hafnar.
Markús Páll er 18 ára gamall en bróðir hans, landsliðsmaðurinn Mikael Egill, spilar á Ítalíu. Hann samdi við Genoa á dögunum frá Venezia en klárar tímabilið á láni hjá Venezia.
Markús hefur komið við sögu í sjö leikjum í Bestu deildinni með Fram og skorað eitt mark. Þá hefur hann spilað tvo landsleiki fyrir hönd u19 landslið Íslands.
Triestina leikur í C-deildinni en Kristófer Jónsson er leikmaður liðsins og Stígur DIljan Þórðarson var á mála hjá félaginu áður en hann samdi við Víking.
Triestina er í 17. sæti A-riðils í C-deildinni með 20 stig eftir 24 umferðir.
Athugasemdir
