Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögn og texta skilaði 25085 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
Ange Postecoglou, fyrrum stjóri Tottenham og Nottingham Forest, hefur verið ráðinn stjóri sádi arabíska félagsins Al-Nassr. Al-Nassr vann sádi arabísku deildina á síðustu leiktíð en það var í fyrsta sinn síðan Cristiano Ronaldo gekk í raðir félagsins árið 2023.
Andre Onana markvörður Manchester United er genginn í raðir Trabzonspor í Tyrklandi að nýju en þetta er annað tímabilið í röð sem hann er lánaður til félagsins. Það er engin klásúla um möguleg kaup en Trabzonspor mun borga laun Onana að fullu. Auk þess borgar félagið lánsgjald til United.
Massimiliano Allegri er orðinn stjóri Napoli og skrifaði undir samning til sumarsins 2029.
Julian Nagelsmann hefur sagt starfi sínu lausu sem landsliðsþjálfari Þýskalands, eftir vonbrigðin á HM. Paragvæ sló Þýskaland út eftir vítakeppni í 32-liða úrslitum. Í gær var greint frá því að Nagelsmann hefði farið á fund með stjórn þýska fótboltasambandsins þar sem honum hafi verið boðið að segja upp, ef hann gerði það ekki yrði hann rekinn.
Belgíski kantmaðurinn Julien Duranville er genginn í raðir Lyon frá Borussia Dortmund.
Landsliðsmaðurinn Mikael Neville Anderson er snúinn aftur til AGF, aðeins ári eftir að hann yfirgaf danska félagið og gekk í raðir sænska liðsins Djurgården. Mikael hefur skrifað undir fjögurra ára samning við AGF sem vann danska meistaratitilinn í vor. Þar verður hann samherji hins efnilega Tómasar Óla Kristjánssonar.
Ítalska félagið Como hefur keypt brasilíska vinstri bakvörðinn Kaiki Bruno da Silva frá Cruzeiro. Hann kemur á lánssamningi upphaflega en Como er skyldugt til að kaupa hann fyrir 14 milljónir evra. <i>„Kaiki er nútímalegur bakvörður með hraða, orku og hugrekki til að taka þátt í sóknarleiknum,"</i> segir Cesc Fabregas, stjóri Como. Kaiki er 23 ára og kemur frá Cruzeiro í heimalandinu. Hann lék sinn fyrsta A-landsleik fyrir Brasiliu í apríl 2026, undir stjórn Carlo Ancelotti. Á þessu tímabili hefur hann átt fjórar stoðsendingar Como hafnaði í fjórða sæti útölsku A-deildarinnar á síðasta tímabili og verður í Meistaradeild Evrópu á næsta tímabili.
Manchester City og Nottingham Forest hafa náð saman um kaup á enska miðjumanninum Elliot Anderson fyrir 116 milljónir punda. Anderson, sem er 23 ára, hefur verið lykilmaður í liði Forest undanfarin tvö ár, síðan hann kom frá Newcastle United. Hann er þriðji dýrasti leikmaður í sögu ensku úrvalsdeildarinnar á eftir Aleksander Isak (125 milljónir punda) og Florian Wirtz (116.5 milljónir punda) sem voru keyptir til Liverpool síðasta sumar. Verðið er þó það hæsta sem félag hefur greitt fyrir Englending í sögunni.
Landsliðskonan Hlín Eiríksdóttir hefur gengið til liðs við sænska félagið Malmö frá Leicester í Englandi. Hún skrifar undir þriggja ára samning við sænska félagið en Malmö er í þriðja sæti í sænsku úrvalsdeildinni.
Brighton hefur keypt austurríska varnarmanninn Michael Svoboda frá Venezia á óuppgefna upphæð, en talið að verðmiðinn sé um 5 milljónir evra.
Tottenham hefur gengið frá kaupum á portúgalska miðjumanninum Mateus Fernandes frá West Ham fyrir 85 milljónir punda. Félagið hefur aldrei greitt jafn háa upphæð fyrir leikmann. Þessi 21 árs gamli miðjumaður hefur leikið síðustu tvö tímabil í ensku úrvalsdeildinni með Southampton og West Ham, bæði félögin hafi reyndar fallið niður í Championship-deildina.
Everton hefur keypt miðjumanninn Hayden Hackney frá Middlesbrough fyrir rúmlega 16 milljónir punda. Þessi 24 ára leikmaður átti eitt ár eftir af samningi sínum við Boro. Hann hefur verið hjá félaginu síðan hann var níu ára. Middlesbrough tapaði úrslitaleik Championship-umspilsins á síðasta tímabili og komst því ekki upp í úrvalsdeildina. Hackney var valinn leikmaður tímabilsins í Championship-deildinni en hefur nú skrifað undir fimm ára samning við Everton <i>„Um leið og ég talaði við David Moyes stjóra og vissi af áhuga Everton þá var ég alltaf á leiðinni til Everton. Þetta er svo stórt félag með glænýjan leikvang og er á leið í góða átt. Ég vildi vera hluti af því,"</i> segir Hackney.
Franski varnarmaðurinn Clément Lenglet er búinn að samþykkja að skipta yfir til portúgalska stórveldisins Benfica.
Spænski vængbakvörðurinn Alejandro Grimaldo er búinn að gera fjögurra ára samning við spænska stórveldið Atlético Madrid, sem kaupir hann úr röðum Bayer Leverkusen.
Gríski markvörðurinn Odysseas Vlachodimos verður áfram hjá Sevilla á lánssamningi sem gildir út næstu leiktíð.
Þýska félagið Stuttgart er búið að ganga frá kaupum á marokkóska landsliðsmanninum Bilal El Khannouss, sem kemur úr röðum Leicester City.
Vítor Pereira hefur afar óvænt verið rekinn úr þjálfarastólnum hjá Nottingham Forest þrátt fyrir að hafa gert flotta hluti við stjórnvöl liðsins á síðustu leiktíð.
Brighton hefur fest kaup á portúgalska U21 landsliðsmanninum Rodrigo Rego frá Benfica. Rego er 21 árs og spilaði aðallega með varaliði Benfica í vetur en hefur spilað fimm leiki fyrir aðalliðið. Þar af er innkoma gegn Ajax í Meistaradeildinni. Sagt er að Brighton greiði um 3,5 milljonir evra fyrir hægri kantmanninn og skrifar hann undir fimm ára samning.
Þýskalandsmeistarar FC Bayern eru búnir að festa kaup á marokkóska sóknarleikmanninum Ismael Saibari.
Breiðablik tilkynnti rétt í þessu að Arnar Bjarki Gunnleifsson hefði verið seldur til danska stórliðsins Bröndby. Hann er 15 ára unglingalandsliðsmaður og mun ganga í raðir Bröndby í janúar 2027. Hann verður 16 ára í nóvember og má hann ekki ganga í raðir danska félagsins fyrir þann tíma. Fótbolti.net greindi frá tíðindunum fyrir þremur vikum síðan og í millitíðinni varð Arnar Bjarki næstyngsti markaskorari í sögu efstu deildar þegar hann skoraði gegn KA. Hann fylgdi því á eftir og skoraði líka gegn Víkingi og varð sá yngsti í sögunni til að skora í tveimur leikjum í röð.