Danijel Djuric ekki valinn í u21: Þetta var mitt svar

„Þetta var örugglega bara það skemmtilegasta sem ég hef gert. Þetta er fótbolti og er bara geggjað." Sagði Danijel Dejan Djuric eftir sigurinn í kvöld.

Víkingar lentu einum manni færri snemma leiks og fóru inn í hálfleikinn tveimur mörkum undir en í síðari hálfleik snéru þeir leiknum algjörlega við og sóttu sterkan sigur. 

„Mér leið samt ekki eins og við værum eitthvað eftir á. Tíu á móti ellefu þá finnurðu og sérðu eins og mörg lið fari í 'low block'. Við vorum ekki í 'low block', við vorum að fá færi í fyrri hálfleik og vissum að ef við myndum skora eitt mark þá myndi koma annað og þriðja. Þetta var bara geggjað." 

Danijel Dejan Djuric var ekki valinn í u21 landsliðið fyrir komandi verkefni og viðurkenndi hann að hann væri örlítið pirraður yfir þvi.

„Maður er búin að fara í smá öldudal hérna og smá pirraður að maður hafi ekki verið valinn í u21 og þetta var mitt svar til hans. 

„Ég sýni það bara á vellinum. Það er það eina sem ég geri og ég vissi líka þegar ég vaknaði í morgun að ég væri að fara gera geggjað í dag.  Þetta var geggjaður leikur hjá mér og bara eins og ég segi þá svara ég honum á vellinum og ég vona að hann hafi séð leikinn uppi í stúku eða heima hjá sér. Mér fannst þetta geggjað svar." 

Nánar er rætt við Danijel Dejan Djuric í spilaranum hér fyrir ofan.